Më 24.07.2026, në orën19:30, pranë kryqëzimit të rrugës lokale Bogorodicë–Gjevgjeli me rrugën rajonale Gjevgjeli–Bogdanc, nëpunës policorë të Stacionit Policor për Kontroll Kufitar dhe Mbikëqyrje Kufitare Bogorodicë e privuan nga liria D.K. (36) nga Strumica, për shkak të bazave të dyshimit se ka kryer vepra penale sipas neneve 418-b, 378 dhe 297-a të Kodit Penal. Me fjalë të tjera, gjatë kontrollit të automjetit “Fiat Stilo” me targa kombëtare austriake, të cilin e drejtonte D.K., janë gjetur shtatë emigrantë, prej të cilëve katër nga Pakistani, dy nga Afganistani dhe një nga Turqia. Ndërkaq, pas kontrolleve shtesë është konstatuar se targat e vendosura në automjet i përkisnin një automjeti tjetër, ndërsa D.K. e drejtonte automjetin pa patentë shoferi.
Për ngjarjen është njoftuar prokurori publik, ndërsa emigrantët janë shoqëruar në Qendrën e Pranimit -Tranzitit “Vinojug” në Gjevgjeli. Pas dokumentimit të plotë të rastit, ndaj D.K. do të parashtrohet kallëzimi përkatës.