Kallëzim penal kundër dy të punësuarve në Çështjet administrative në Kumanovë për punë të pandërgjegjshme në detyrë

SPB Kumanovë ngriti kallëzim penal kundër M.A. (43) nga Kumanova dhe M.I. (41) nga f. Likovë, komuna e Likovës, për shkak të ekzistimit të bazave të dyshimit se kanë kryer veprën penale “punë e pandërgjegjshme në detyrë” sipas nenit 353-v të Kodit Penal.

M.A. – e punësuar në vendin e punës referent më i ri për çështje administrative në Seksionin e Çështjeve Administrative Kumanovë, më 30.08.2017 ka pranuar kërkesë për lëshimin e dokumentit të udhëtimit të parashtruar nga H.J. (50) nga Kosova, kështu që në sistem, në seksionin e detyrueshëm për plotësimin e letërnjoftimit të vlefshëm të paraqitur ose të dokumentit tjetër të vlefshëm në kolonë ka vënë vetëm taksën, pa asnjë të dhënë personale. Më pas, ka kryer fotografim për lëshimin e dokumentit të udhëtimit për personin H.J. (50) nga Kosova pa ndonjë dokument të bashkëngjitur të vlefshëm personal për identifikim duke futur dhe përdorur të dhënat e identitetit të një personi tjetër dhe në këtë mënyrë i ka mundësuar që të pajiset me identitet dhe dokument udhëtimi të rremë të RMV-së.

Ndërsa, e denoncuara e dytë M.I., e punësuar në vendin e punës këshilltar i ri për çështje administrative në Seksionin për Çështje Administrative në Kumanovë, ka shmangur mbikëqyrjen e deyrueshme dhe në këtë mënyrë ka bërë shkelje të dispozitave ligjore për dhënien e dokumentit të udhëtimit. Më 30.08.2017, ajo ka aprovuar kërkesën për përgatitjen e dokumentit të udhëtimit për personin H.J. me të dhëna të vendosura nga identiteti i personit tjetër.