Sot (08.06.2026), drejtori i Byrosë së Sigurisë Publike, Aleksandar Janev, zhvilloi një takim pune me përfaqësuesit e ekipit të projektit rajonal IPA “Mbështetja e BE-së për forcimin e luftës kundër kontrabandimit të emigrantëve dhe trafikimit të qenieve njerëzore në Ballkanin Perëndimor” (EU4FAST).
Në takim u konfirmua bashkëpunimi i suksesshëm dhe i vazhdueshëm ndërmjet Ministrisë së Punëve të Brendshme, Byrosë së Sigurisë Publike dhe ekipit të projektit EU4FAST në zbatimin e aktiviteteve që synojnë forcimin e kapaciteteve institucionale dhe avancimin e sigurisë.
Drejtori Janev shprehu mirënjohje për mbështetjen e deritanishme dhe aktivitetet e realizuara në kuadër të projektit, duke theksuar se rezultatet e arritura përbëjnë shembull të një bashkëpunimi të suksesshëm ndërkombëtar. Ai gjithashtu nënvizoi gatishmërinë e Byrosë së Sigurisë Publike për thellimin e mëtejshëm të partneritetit dhe realizimin e aktiviteteve të reja të përbashkëta.
Në takim u konstatua bashkërisht se bashkëpunimi ndërmjet palëve zhvillohet në një nivel jashtëzakonisht të lartë dhe se ai do të vazhdojë të forcohet edhe në të ardhmen, me qëllim të rritjes së nivelit të sigurisë dhe përballimit më efikas të sfidave që lidhen me krimin e organizuar.
