Sot (27.06.2025) Drejtori i Byrosë së Sigurisë Publike, Aleksandar Janev, mori pjesë në ceremoninë e diplomimit, e cila u mbajt në Qendrën e Trajnimit të Policisë në Idrizovë, së bashku me Ndihmësministrin e Punëve të Brendshme dhe Shefin e Qendrës së Trajnimit, Vllatko Mitkovski, si dhe Ambasadorin e Italisë në vendin tonë, Sh.T. Paolo Palminteri.
Trajnimi u zbatua nga Instituti i Lartë për Teknikat Hetimore i Karabinierëve Italianë, me mbështetje organizative nga Ambasada Italiane në Shkup.
Pjesëmarrësit në kurs patën mundësinë të fitojnë njohuri të avancuara dhe aftësi praktike për hetimin e vendit të ngjarjes, duke ndjekur standardet moderne evropiane dhe ndërkombëtare.
“Dua të shpreh mirënjohjen time të veçantë për ekspertët italianë për angazhimin e tyre profesional dhe njohuritë që kanë transferuar, dhe dua të theksoj se si institucion, ne e vlerësojmë veçanërisht këtë bashkëpunim, i cili përfaqëson një hap të rëndësishëm drejt përmirësimit të kapaciteteve të policisë sonë dhe mbështetjes së sundimit të ligjit”, tha drejtori Janev, duke shtuar se ky është një tregues tjetër i bashkëpunimit dypalësh të suksesshëm dhe të orientuar në mënyrë strategjike me Italinë në fushën e sigurisë dhe është pjesë e përpjekjeve të përbashkëta për të ndërtuar një shoqëri më të sigurt dhe më të fortë.
