Zyra e Jashtme e Çështjeve Kriminalistike Sveti Nikollë ka paraqitur kallëzim penal kundër D.R.(45) dhe L.D.(40), të dy nga Sveti Nikolla, mbi dyshime të bazuara për kryerjen e veprës penale „shërbim në detyrë“. Më 25.05.2026, në Sveti Nikollë, të kallëzuarit, të punësuar në Ndërmarrjen Publike „Pyjet Kombëtare“ – Sveti Nikollë, gjatë ditëve jopune, i kallëzuari i parë si referent për transport, ndërsa i dyti si operator i makinerisë ndërtimore, në mënyrë të paautorizuar kanë përdorur traktorin zyrtar dhe automjetin e terrenit për nevoja personale dhe kanë kryer transportin e druve për ngrohje nga rajoni i Njësisë Ekonomike Pyjore Gjurishte deri në shtëpitë e tyre në Sveti Nikollë.
NJPB Prilep ka paraqitur kallëzim penal kundër R.J.(52), D.J.(26) dhe N.J.(31), të gjithë nga Prilepi, mbi dyshime të bazuara për kryerjen e veprave penale „sulm ndaj nëpunësit policor gjatë kryerjes së punëve të sigurisë“ dhe „rrezikim i sigurisë“. Më 22.08.2026, gjatë mbajtjes së ngjarjes „Takimi i motoçiklistëve“ në Prilep, të kallëzuarit janë sjellë në mënyrë të pahijshme dhe agresive ndaj një nëpunësi policor, ndërsa më pas fizikisht kanë sulmuar një nëpunës policor, derisa ai ka kryer detyrat zyrtare, ndërsa i kallëzuari i parë i ka bërë kërcënime atij dhe familjes së tij.
Më 05.09.2026, në orën 04:04, në SPB Shkup u njoftua se në Shkup, në rr. „Vëllezërit Rexhepagiq“, përkatësisht në një parking në rrethin e një shkolle, është djegur një automjet. Nëpunësit policorë kanë konstatuar se automjeti i djegur i udhëtarëve është „Opel Astra“ me targa të Shkupit, në pronësi të N.Sh.(56). Zjarri është shuar nga Brigada Zjarrfikëse. Po ndërmerren masa për zbardhjen e rastit.
Më 04.09.2026, në orën 07:50, në SPB Shkup u njoftua se në bul. „Brigada e Tretë Maqedonase“ në Shkup ka ndodhur një aksident trafiku midis një biçiklete të drejtuar nga L.N.(46) nga Shkupi dhe një trotineti elektrik, të drejtuar nga një person femër, i cili e ka braktisur vendin e ngjarjes. Në aksident, lëndime të rënda trupore ka pësuar 46-vjeçarja L.N., të konstatuara në Qendrën e Urgjencës pranë Kompleksit të Klinikave „Nëna Terezë“ në Shkup. Një ekip i SPB Shkup ka bërë këqyrje të vendit të ngjarjes.
Më 04.09.2026, në Shkup, në lokacione të ndryshme, nëpunësit policorë të SPB Shkup i kanë privuar nga liria R.J.(27) nga komuna e Çuçer Sandevës dhe V.S.(30) nga fsh. Vollkovë, rrethina e Shkupit, pasi te ata janë gjetur dhe konfiskuar një lëndë kokërrzore e bardhë dhe një lëndë pluhurore e bardhë. Pas dokumentimit të plotë të rasteve, do të vijojnë parashtresa përkatëse.
Më 03.09.2026, në orën 12:00, në SPB Shkup u njoftua se në bul. „Aleksandri i Maqedonisë“ në Shkup ka ndodhur një aksident trafiku midis një automjeti të udhëtarëve „Opel“ me targa të Sveti Nikollës, të drejtuar nga A.S.(48) nga Sveti Nikolla dhe një motoçiklete me targa kombëtare gjermane, të drejtuar nga O.B.(43) nga Shkupi, me qëndrim në Republikën e Bullgarisë. Në aksident, lëndime të rënda trupore ka marrë motoçiklisti, të konstatuara në Qendrën e Urgjencës pranë Kompleksit të Klinikave „Nëna Terezë“ në Shkup. Një ekip i SPB Shkup ka bërë këqyrje të vendit të ngjarjes.
Më 05.09.2026, në orën 00:30, në Negotinë, nëpunës policorë të NJPB Negotinë e kanë privuar nga liria N.S.(53) nga Negotina, duke vepruar pas denoncimit paraprak se e kishte kërcënuar L.T.(67) nga Negotina. Pas zbardhjes dhe dokumentimit të plotë të ngjarjes, do të paraqitet kallëzim përkatës.
Më 04.09.2026, në orën 21:15, nëpunësit policorë të NJPB Negotinë e kanë privuar nga liria T.C.(62) nga një fshat i rajonit të Demir Kapisë, duke vepruar pas denoncimit paraprak të vëllait të tij 56-vjeçar se e kishte sulmuar fizikisht me një send prej druri. Më pas edhe T.C. ka denoncuar se ishte sulmuar fizikisht nga vëllai i tij. Pas zbardhjes dhe dokumentimit të plotë të ngjarjes, do të paraqitet kallëzim përkatës.
Më 04.09.2026, në orën 22:00, në SPB Veles, një banor 41-vjeçar i Velesit ka denoncuar se ish-bashkëshortja e tij I.T. e kishte sulmuar fizikisht vajzën e tyre të mitur me një send prej druri. Po ndërmerren masa për zbardhjen e ngjarjes.
Më 05.09.2026, në orën 04:40, nëpunësit policorë të SPB Kumanovë e kanë privuar nga liria A.M.(45) nga Kumanova, duke vepruar pas denoncimit paraprak se më 05.09.2026, rreth orës 00:20, në një kazino në Kumanovë, fizikisht e kishte sulmuar G.R.(33) nga Kumanova, i cili ka kryer detyra pune si sigurim. A.M. është dërguar në stacionin policor dhe pas dokumentimit të plotë të rastit, kundër tij do të vijojë kallëzim përkatës.
Më 03.09.2026, në orën 11:00, në bul. „Turistiçka“ në Ohër, është privuar nga liria R.K.(24) nga Stambolli, Republika e Turqisë. Ai dyshohet se ka rekrutuar, nxitur, joshur ose ka marrë pjesë në dorëzimin e një personi te një person tjetër, me qëllim të kryerjes së prostitucionit. Pas zbardhjes dhe dokumentimit të plotë të ngjarjes, kundër tij do të paraqitet kallëzim penal përkatës.
Më 04.09.2026, në orën 17:20, në rr. „Ilindenska“ në Ohër, është privuar nga liria N.M.(61) nga Ohri, i cili ka bërë fyerje dhe ka qenë agresiv ndaj nëpunësve policorë që kanë ndërmarrë veprime zyrtare. Pas ndërmarrjes së masave, tek ai janë konstatuar 0,19 promilë alkool në gjak dhe pas dokumentimit të plotë të ngjarjes, kundër tij do të paraqitet kallëzim përkatës.
Më 04.09.2026, në orën 21:50, në lagjen „Plitishtë“ në Strugë, është privuar nga liria G.S.(47) nga fsh. Llakoçerej i Poshtëm, rrethina e Ohrit. Gjatë kontrollit, nëpunësit policorë të policisë kriminalistike pranë NJPB Strugë, tek ai kanë gjetur dhe konfiskuar drogë narkotike marihuanë. Pas dokumentimit të plotë të ngjarjes, kundër tij do të paraqitet kallëzim përkatës.
Më 04.09.2026, në orën 16:30, në rrugën lokale ndërmjet fshatrave të Strugës Zagraçan dhe Belicë e Poshtme, është privuar nga liria A.M.(85) nga fsh. Zagraçan, i cili më parë, në lokalitetin „Lok“, kishte vënë dhe shkaktuar zjarr në një hapësirë të hapur me vegjetacion me bimësi të ulët. Persona të lënduar nuk ka pasur, ndërsa ka intervenuar Njësia Territoriale e Zjarrfikësve nga Struga. Pas dokumentimit të plotë të ngjarjes, kundër tij do të paraqitet kallëzim përkatës.
Më 04.09.2026, në orën 12:55, në rrugën rajonale Dibër-Mavrovë, pranë „Urës së Boshkut“, B.R.(64) nga Dibra, duke drejtuar motoçikletë „Harley Davidson“ me targa të Dibrës, ka humbur kontrollin dhe është përplasur në mbrojtësen elastike metalike. Ai ka pësuar lëndime të rënda trupore të konstatuara në Spitalin e Përgjithshëm në Dibër. Ekipet policore kanë bërë këqyrjen e vendit të ngjarjes.
Më 04.09.2026, në orën 18:15, në rr. „Boris Kidriç“ në Tetovë, nëpunësit policorë kanë privuar nga liria një të mitur 17-vjeçar nga fsh. Kopaçindoll. Gjatë kontrollit tek ai është gjetur dhe sekuestruar marihuanë. Ai është mbajtur në stacionin policor dhe pas dokumentimit të rastit do të pasojë parashtresë përkatëse.
Më 04.09.2026, në orën 21:00, në fsh. Kamjan, nëpunësit policorë të Stacioni Policor Kamjan e kanë privuar nga liria F.E.(28) nga po ky fshat, tek i cili gjatë kontrollit është gjetur dhe konfiskuar marihuanë. Pas dokumentimit të rastit, kundër tij do të pasojë parashtresë përkatëse.
Më 04.09.2026, në orën 19:45, në Stacionin Policor Gostivar, një grua 35-vjeçare nga një fshat i Gostivarit ka denoncuar se më 03.09.2026, rreth orës 23:50, në shtëpinë e tyre ishte sulmuar fizikisht dhe keqtrajtuar nga bashkëshorti i saj V.M.(36). I njëjti i kishte bërë edhe kërcënime me jetë. Më 04.09.2026, në orën 22:50, në rr. „Ilindenska“ në Gostivar, V.M. është privuar nga liria dhe është mbajtur në stacionin policor dhe pas dokumentimit të rastit do të vijojë parashtresë përkatëse.
Më 04.09.2026, në orën 19:10, në Stacionin Policor Gostivar, një grua 40-vjeçare nga Gostivari ka denoncuar se gjatë orëve të natës më 01/02.09.2026, në banesën e saj, bashkëshorti i saj jashtëmartesor A.S. e kishte sulmuar fizikisht dhe kishte kryer sulm seksual ndaj saj. Po ndërmerren të gjitha masat për zbardhjen e plotë të rastit.
Më 04.09.2026, në orën 18:30, në vendin e quajtur Bunec, në afërsi të heliodromit, nëpunësit policorë të Stacionit Policor Mavrovë kanë hasur dy persona gjatë prerjes së paligjshme të druve. Është privuar nga liria V.N.(38), shtetas i Republikës së Shqipërisë, i cili nuk posedonte dokumente identifikimi. Është bërë inspektim nga ekipi i NJPB Gostivar dhe po ndërmerren masa për zbardhjen e rastit.
Më 04.09.2026, rreth orës 15:05, nëpunësit policorë të Stacionit Policor Gostivar, pas një denoncimi paraprak për një përleshje verbale ndërmjet të afërmve, me ç’rast është prishur rendi dhe qetësia publike, i kanë privuar nga liria M.A.(64), H.A.(40), V.A.(49), F.A.(51) dhe J.H.(28). Pas dokumentimit të rastit do të pasojë parashtresë përkatëse.
Më 04.09.2026, në orën 19:00, nëpunësit policorë të Stacionit Policor Tetovë i kanë privuar nga liria L.B.(36) dhe A.Sh.(37), të dy nga Tetova, të cilët një ditë më parë ishin denoncuar nga I.I.(46) nga Tetova se në rr. „Zhelezniçka“ e kishin sulmuar fizikisht. Ata janë mbajtur në stacionin policor dhe pas dokumentimit të rastit do të vijojë parashtresë përkatëse.
Më 04.09.2026, në orën 16:30, në Kazermën „Ilinden“ në Shkup, nëpunës policorë të SPB Shkup i kanë privuar nga liria M.S. (26) dhe A.H. (25), të dy nga Republika Çeke, me qëndrim në Shkup, mbi dyshime të bazuara se kanë kryer vepër penale sipas nenit 350 të Kodit Penal, „hyrje e paautorizuar në objekte ushtarake dhe bërja e skicave ose vizatimeve të objekteve ushtarake dhe mjeteve luftarake“. Po ndërmerren masa për zbardhjen e plotë të rastit.
Më 04.09.2026, në orën 13:50, në Pikën Kufitare Tabanoc, në dalje të shtetit, nëpunës policorë e kanë privuar nga liria V.K. (58) nga Velesi, me vendbanim në Vallandovë. Gjatë kontrollit kufitar dhe verifikimit të kryer, është konstatuar se automjeti i udhëtarëve „Pëzho“ me targa italiane, të cilin e drejtonte ai, ishte në kërkim nga Interpoli, R. e Italisë. Automjeti është konfiskuar, ndërsa V.K. i është dorëzuar nëpunësve policorë të SPB Kumanovë për procedurë të mëtejshme.
Më 05.09.2026, nëpunës policorë të ekipit mobil të Qendrës Rajonale për Çështje Kufitare – Perëndim, „Task Force“, në fsh. Radozhdë, rrethina e Strugës, kanë kryer kontroll ndaj B.S. (19) nga Struga, me ç’rast është gjetur drogë. B.S. është privuar nga liria dhe pas dokumentimit të plotë të rastit ndaj tij do të paraqitet kallëzim përkatës.
Më 04.09.2026, në orën 12:36, në SPB Shkup, një grua 40-vjeçare nga Shkupi ka denoncuar se rreth orës 11:00, në shtëpinë familjare, pas një grindjeje të mëparshme, ishte sulmuar fizikisht nga bashkëshorti i saj 43-vjeçar. Më vonë, në orën 12:41, bashkëshorti 43-vjeçar nga Shkupi ka denoncuar se në shtëpinë familjare, pas një grindjeje të mëparshme, ishte sulmuar fizikisht nga bashkëshortja e tij 40-vjeçare. Po ndërmerren masa për zbardhjen e plotë të rastit.
Më 04.09.2026, në orën 14:00, në stacionin policor në Koçan është zhvilluar bisedë zyrtare me F.R. (40) nga Koçani, duke vepruar në bazë të denoncimit të mëparshëm të bashkëshortes së tij 40-vjeçare se më 02 dhe 03.09.2026, në shtëpinë familjare, ai e kishte sulmuar fizikisht dhe e kishte kërcënuar. Pas dokumentimit të plotë të rastit, do të vijojë parashtresë përkatës.
Më 04.09.2026, në orën 13:30, në Sveti Nikollë, nëpunës policorë të NJPB Sveti Nikollë e kanë privuar nga liria A.T. (28) nga Sveti Nikolla, duke vepruar në bazë të denoncimit të mëparshëm se në një objekt kishte sulmuar fizikisht një të mitur 14-vjeçar. Pas dokumentimit të plotë të rastit, do të vijojë parashtresë përkatëse.
Më 05.09.2026, në Pikën Kufitare Bllacë, A.F. (19), shtetas i Kosovës, nga policia e Maqedonisë i është dorëzuar policisë së R. së Kosovës për veprime të mëtejshme, për shkak se figuronte në sistemin e policisë së Kosovës.
Më 04.09.2026, në orën 18:40, në NJPB Pehçevë, një grua 68-vjeçare nga Pehçeva ka denoncuar se më 03/04.09.2026, në periudhën nga ora 00:23 deri në orën 01:00, në shtëpinë e saj, ndërsa ishte ulur dhe po bisedonte me një burrë 43-vjeçar nga Pehçeva, kishte ardhur bashkëshortja e tij, e cila ishte sjellë në mënyrë agresive dhe e kishte sulmuar fizikisht. Më pas, burri 43-vjeçar kishte sulmuar fizikisht bashkëshorten e tij 37-vjeçare, ndërsa më vonë edhe gruaja 37-vjeçare ka denoncuar se ishte sulmuar fizikisht nga bashkëshorti i saj. Po ndërmerren masa për zbardhjen e plotë të rastit.
Më 05.09.2026, në orën 04:00, në SPB Shtip, A.M. (43) nga Shtipi ka denoncuar se më 04.09.2026, rreth orës 23:45, para një objekti në Shtip, djali i tij i mitur ishte sulmuar fizikisht nga T.P. (45) nga lagjja Tri Çeshmi. Po ndërmerren masa për zbardhjen e plotë të rastit, pas çka do të vijojë parashtresë përkatëse.
Më 04.09.2026, në orën 23:50, në NJPB Dellçevë, S.T. (44) dhe P.V. (53), të dy nga Dellçeva, kanë denoncuar se rreth orës 22:10, para një hoteli në Dellçevë, dy fëmijët e tyre të mitur ishin sulmuar fizikisht nga N.D. nga Dellçeva, me ç’rast u kishte shkaktuar lëndime. Po ndërmerren masa për zbardhjen e plotë të rastit, pas çka do të vijojë parashtresë përkatëse.
Më 05.09.2026, në orën 00:10, në SPB Shtip është njoftuar se rreth orës 00:10, në rrugën „Shirk Dol“ në Shtip, kishte shpërthyer zjarr në një objekt në kuadër të një shtëpie, në pronësi të D.A. (75), me ç’rast ishte përfshirë një dhomë. Nga Njësia Territoriale Zjarrfikëse e Shtipit zjarri është shuar dhe nuk ka persona të lënduar. Është kryer inspektim nga një ekipi inspektues i SPB Shtip.
Më 04.09.2026, në orën 23:30, nëpunës policorë të NJPB Vinicë e kanë privuar nga liria V.Z. (26) nga Koçani, pasi gjatë kontrollit të një automjeti të udhëtarëve, të cilin ai e drejtonte, është gjetur një kartëmonedhë, të cilën ai e ka grisur para nëpunësve policorë, edhe pse i ishte thënë të mos e prekte. Më pas, me urdhër gjyqësor paraprak, është realizuar bastisje në shtëpinë ku qëndronte V.Z., me ç’rast janë gjetur dhe sekuestruar sende që rrjedhin nga vepra penale. Pas dokumentimit të plotë të rastit, do të vijojë parashtresë përkatëse.