Nga sot (07.10.2015), në Qendrën e Trajnimit për personel pranë Ministrisë së Punëve të Brendshme në Idrizovë, filloi një trajnim njëvjeçar për 660 kandidatët për oficerë policie. Këta kandidatë u përzgjodhën pas shpalljes për rekrutimin e 600 oficerëve policorë, e cila u publikua më 10 korrik 2015.
Siç dihet, në konkursin e shpallur më 10.07.2015 për rekrutimin e 600 pozicioneve për “polic”, aplikuan rreth 3000 kandidatë. Kandidatët u përzgjedhën pas përfundimit të disa fazave të vlerësimeve sipas renditjes. Këto përfshinin teste fizike, vlerësime psiko-arsimore dhe kontrolle shëndetësore. Me këta kandidatë u nënshkruan kontrata për trajnim bazë policor me kohëzgjatje një vit, duke filluar nga data 07.10.2015.
Trajnimi me internim për kandidatët do të zhvillohet në tre module arsimore – rendi dhe qetësia publike, trafiku dhe punët kufitare. Çdo modul zgjat katër muaj, prej të cilëve tre muaj janë trajnim teorik, dhe një muaj trajnim praktik në terren. Pas përfundimit të trajnimit bazë, 600 kandidatët do të nënshkruajnë kontrata pune me Ministrinë e Punëve të Brendshme në përputhje me listën renditëse të përgatitur nga Qendra e Trajnimit.
