Në periudhën nga 13 deri më 16.09.2015, në stacionet policore me kompetenca të përgjithshme në të gjitha sektorët për punë të brendshme po zhvillohet testi praktik për matjen e kompetencave nga pjesa e dytë për kandidatët e Trajnimit Bazë për polic 2015/16 – Mbrojtja e rendit dhe qetësisë publike.
Testi është praktik dhe zhvillohet në vendin e punës në situatë reale, ku kandidatët realizojnë trajnimin në terren me mentorët e tyre. Çdo kandidat së bashku me vlerësuesin dalin në terren ku duhet të zotërojnë kompetenca të caktuara të cilat janë në formularin e vlerësimit, ndërsa në fund vlerësuesi i jep shpjegime për mënyrën se si ka vepruar gjatë testit dhe i shënon notën.
Ky test për matjen e kompetencave është vetëm një pjesë nga pesë segmentet që kandidatët duhet t’i kalojnë për të përfunduar me sukses një nga tre modulet e trajnimit për polic.
Vlerësimi i testit praktik është i pavarur, që do të thotë se e bëjnë policë të përvojë që profesionalisht kryejnë detyrat e tyre në sektorin e rendit dhe qetësisë publike, të cilët më parë janë trajnuar për vlerësim në Qendrën për Trajnim.