Gjatë ditës së djeshme (28.01.2026) Seksioni për parandalim pranë SPB Ohër filloi zbatimin e një fushate parandaluese për sigurinë rrugore, të orientuar te motoçiklistët, çiklistët dhe personat që drejtojnë trotineta elektrikë. Me këtë rast, përmes komunikimit të drejtpërdrejtë dhe shpërndarjes së fletushkave edukative, qytetarët u informuan për nevojën e respektimit të rregullave të trafikut me qëllim pjesëmarrjen e sigurt në të, veçanërisht në lidhje me detyrimet ligjore për mbajtjen e detyrueshme të helmetës mbrojtëse, përdorimin e detyrueshëm të shtegut të biçikletave, si dhe respektimin e sinjalistikës horizontale dhe vertikale rrugore.
Në territorin e SPB Shtipit, sot në Probishtip, Vinicë, Berovë dhe Koçan, u zhvilluan aktivitete parandaluese me moton "Mos drejtoni automjet nën ndikimin e alkoolit", "Drejtoni automjet të rregullt teknikisht" dhe "Vendosni rripin e sigurisë". Shoferët u informuan për pasojat e dëmshme që mund të paraqiten nëse automjeti drejtohet nën ndikimin e alkoolit, si dhe për nevojën e kontrolleve të rregullta të gjendjes teknike të automjeteve. Gjithashtu u theksua se përdorimi i rripit të sigurisë kontribuon ndjeshëm në uljen e shkallës së lëndimeve gjatë aksidenteve eventuale rrugore.
