Ministria e Punëve të Brendshme informon opinionin publik se procesi zgjedhor në Komunën e Bërvenicës përfundoi në mënyrë të rregullt, pa cenim të rendit dhe qetësisë publike dhe pa asnjë incident.
MPB-ja gjatë gjithë ditës ndërmori masa dhe aktivitete në kuadër të kompetencave të saj, me qëllim të zhvillimit të papenguar dhe të sigurt të procesit zgjedhor, si dhe garantimit të sigurisë së qytetarëve dhe ruajtjes së gjendjes së favorshme të sigurisë.