Ministria e Punëve të Brendshme - Qendra për Trajnim nënshkroi memorandum për bashkëpunim me Akademinë për Gjykatës dhe Prokurorë Publikë dhe Institucionin Publik Enti për Veprimtari Sociale Shkup

Më 18.06.2025 në Qendrën për trajnim të Ministrisë së Punëve të Brendshme u nënshkrua një memorandum për bashkëpunim ndërmjet Ministrisë së Punëve të Brendshme – Qendrës për trajnim, Akademisë për Gjykatës dhe Prokurorëvë Publikë dhe Institutit Publik Enti për Veprimtari Sociale Shkup.

Me nënshkrimin e këtij memorandumi, të tre institucionet do të rrisin komunikimin e ndërsjellë me qëllim që të vendosin dhe formalizojnë bashkëpunimin ndërinstitucional në fushën e forcimit të burimeve njerëzore dhe kapaciteteve institucionale në promovimin e parimeve të drejtësisë për fëmijët, mbrojtjen e të drejtave të fëmijëve dhe interesin e tyre më të mirë.

Bashkëpunimi në kuadër të memorandumit nënkupton realizimin e aktiviteteve të përbashkëta në fushën e zhvillimit të sistemit për nxënie dhe zhvillim profesional, zhvillimin e kompetencave të profesionistëve - pjesëmarrës në sistem, si dhe hulumtimin, analizën dhe krijimin e materialit edukativ, ndërsa grupet e synuara të shfrytëzuesve janë persona zyrtarë, të punësuarit në gjyqësor, punët e brendshme dhe sistemin shtetëror të mbrojtjes sociale.