Një Memorandum mirëkuptimi u nënshkrua sot në Zagreb me Ministrinë e Punëve të Brendshme të Kroacisë - Akademinë policore, për të forcuar bashkëpunimin në fushën e arsimit dhe trajnimeve të përbashkëta.
Në emër të Ministrisë së Punëve të Brendshme të Maqedonisë, memorandumi u nënshkrua nga ndihmësministri i Qendrës së Trajnimit, Vllatko Mitkovski, i cili po udhëheq delegacionin e Maqedonisë për këto dy ditë në Zagreb, Republika e Kroacisë.
Bashkëpunimi i parashikuar me memorandumin do të kontribuojë në zbatimin më të suksesshëm të trajnimeve të përbashkëta policore dhe sigurisht do të mbështesë Ministrinë e Punëve të Brendshme dhe Qendrën e Trajnimit në fillimin e mësimeve në Shkollën e Mesme të Policisë.
"Është konfirmuar se modeli kroat i arsimit të mesëm policor është më i përshtatshmi për kushtet e Maqedonisë dhe do të jetë i zbatueshëm në praktikë në mënyrë të përshtatshme", tha ndihmësministri Mitkovski gjatë një takimi dypalësh me homologun e tij kroat Josip Qeliq në Akademinë Policore Kroate "Polici i Parë Kroat".
