Sot, (14.11.2024), në kuadër të vizitës në Ministrinë e Punëve të Brendshme të Sllovenisë, delegacioni i Maqedonisë i udhëhequr nga drejtori i Byrosë për Siguri për Publike, Aleksandar Janev vizituan njësitin e aviacionit dhe njësitin special të policisë së Sllovenisë.
Delegacioni i Maqedonisë u informua nga afër me kapacitetet dhe pajisjet me të cilat disponojnë këto njësite, organizimin dhe funksionalitetin e tyre. Gjithashtu u diskutua për nënshkrimin e një memorandum për bashkëpunim konkret ndërmjet njësive të aviacionit të dy ministrive, me theks në trajnimin e instruktorëve tanë të aviacionit dhe asistencë profesionale për hapjen dhe realizimin e shkollës së pilotëve në kuadër të Ministrisë të Brendshme të Republikës së Maqedonisë së Veriut. U fol edhe për organizimin e stërvitjeve të përbashkëta operacionale të ardhshme të dy njësive speciale antiterroriste.
Në fund të vizitës u kryen ushtrime simuluese-demonstruese në disa skenarë të zhvilluar, me pjesëmarrjen e helikopterit dhe njësisë speciale të policisë së Sllovenisë. Policia e Maqedonisë dhe ajo e Sllovenisë edhe një herë e kanë treguar në veprim përkushtimin e tyre për bashkëpunim të ndërsjellë në të gjitha nivelet dhe përballimin e suksesshëm ndaj të gjitha sfidave që të dyja vendet dhe rajoni i kanë në ruajtjen e sigurisë publike dhe përballjen me të gjitha llojet e krimeve.
