Денеска (20.06.2026) Отсекот за превенција при СВР Штип, во содејство со полициски службеник од ПС ОН Штип, реализираше превентивно-едукативна активност на тема: „Превенција и заштита од пожари на отворен простор и внимателно и одговорно користење на земјоделската механизација во сообраќајот“, на подрачјето на Општина Штип. Во рамки на активноста, на граѓаните и земјоделците им беа поделени летоци и флаери со едукативни содржини за заштита на шумите од пожари.
Преку непосредни разговори, полициските службеници им укажуваа на мерките за заштита и намалување на ризиците од појава на шумски пожари на отворен простор, како и на потребата од внимателно извршување на земјоделските работи и одговорно користење на земјоделската механизација.
Посебен акцент беше ставен на опасностите од предизвикување пожари при палење меѓи, стрништа, сува трева и смет на нивите. Во текот на активноста, граѓаните беа информирани и за обврската од доследно почитување на законските одредби и прописи од оваа област, со цел подигање на јавната свест и јакнење на превенцијата од пожари.
