Денеска (08.03.2026 ) на наплатна станица Петровец на автопатот Скопје-Велес, во рамки на одбележување на празникот на жената 8 ми Март, Мобилната единица при Секторот за сообраќајни работи во соработка со РСБСП реализираа превентивно-едукативна кампања „Вози одговорно,биди жена возач за пример“. Целта на активноста е поттикнување на свеста на сите жени учесници во сообраќајот, за почитување на правилата и прописите.
На возачите им беше поделен едукативен материјал флаери, привезоци и мали подароци со напомени да не управуваат возила доколку конзумираат алкохол. Возачите беа информирани и за штетните последици кои можат да настанат доколку управуваат возило под дејство на алкохол, односно дека санкциониран ќе биде секој возач кој консумирал алкохол и притоа управува возило.
