„Последица од управување технички неисправно возило“ – превентивна активност на СВР Велес

На 18.11.2025, полициски службеници од Полициската станица за безбедност на патниот сообраќај при СВР Велес  на повеќе локации во градот реализираа превентивна активност на тема „Последица од управување технички неисправно возило“. Целта на активноста е да се влијае на подигнувањето на свеста за важноста од управувањето на техничко исправно возило и значењето на редовните проверки и одржување на возилата. 
Анализите покажуваат дека исправноста на возилата е значаен фактор што влијае на безбедносната состојба во сообраќајот. Со редовното одржување и контрола на техничката исправност на возилата, се подигнува сообраќајната култура и се намалува ризикот од сообраќајни незгоди. 

Оваа активност е во рамки на одбележувањето на 16 ноември - Светски ден на сеќавање на жртвите од сообраќајни незгоди, а во рамки на кампањата „Заедно со одговорно однесување во сообраќајот да придонесеме за патишта без жртви“. Во рамки на активноста беше поделен печатен едукативен материјал изработен во соработка со Републичкиот совет за безбедност на сообраќајот на патиштата и Факултетот за безбедност Скопје.