Лишен од слобода возач од Берово, управувал возило под дејство на алкохол и без возачка дозвола и предизвикал сообраќајна несреќа

На 02.04.2026 во 17:48 часот во ОВР Берово е пријавено дека на регионалниот пат Берово- с.Дабиље, на место викано „Ширината“, во атар на Берово, се случила сообраќајна несреќа помеѓу патничко возило „форд“ со беровски регистарски ознаки, управувано од Ѓ.А.(37)  од Берово и патничко возило „шкода“ со беровски регистарски ознаки, управувано од А.Г.(40) од Берово. Во несреќата со тешки телесни повреди се здобил  сопатникот од патничкото возило „форд“, Џ.Д.(49) од Берово, додека со телесни повреди се здобил возачот на патничкото возило „шкода“ А.Г., констатирани во Општа болница Кочани. Извршен е увид од увидна екипа на ОВР Берово и по извршени проверки е констатирано дека возачот Ѓ.А. го управувал возилото, без да поседува возачка дозвола и под дејство на алкохол, односно му биле измерени 1,46 промили алкохол во крвта.

По наредба на јавен обвинител, Ѓ.А. е лишен од слобода, а возилото е одземено и по целосно документирање на случајот, ќе следува соодветна пријава.