Реализирани повеќе превентивни активности на подрачјето на СВР Штип како дел од кампањата „Вози безбедно - стигни сигурно“

На 15.11.2025 во Централно градско подрачје на Штип,  на магистралниот пат Штип-Велес, во Виница, во Делчево и во Македонска Каменица, полициски службеници спроведоа превентивни активности за подигнување на свеста кај возачите за користење зимска опрема. 
Притоа, на возачите им беа делени летоци со корисни совети за возачите. Главна цел на активностите беше насочена кон подигнување на свеста кај учесниците во сообраќајот за важноста од правилна подготовка на возилата за зимски услови.
Исто така, во непосреден контакт, на возачите им беше укажано на значењето од навремена проверка на гумите, сопирачките и дополнителната опрема за безбедно управување во зимски услови.