Превентивни активности на СВР Тетово за побезбеден сообраќај

Отсекот за превенција при СВР Тетово заврши со практично имплементирање на превентивно едукативниот проект „Чекор по чекор“, наменет за децата од предучилишна возраст и нивната безбедност во сообраќајот, со денеска (29.05) реализираните едукативни предавања во градинките „Младост“ во тетовската населба Поток и во „Миѓени“ во Тетово.

Притоа, стручно обучени полициски службеници од Полицискaта станица за безбедност во патниот сообраќај Тетово, на децата од предучилишна возраст, им одржаа предавање и им објаснуваа како да се движат во сообраќајот, секако со напоменаа да внимаваат на сообраќајните знаци. Исто така, на децата им беа презентирани дел од опремата на сообраќајната полиција.