Превентивна активност на РЦГР Север и РЦГР Исток за заштита од пожари

Во рамки на традиционалната меѓународна средба „Краиште 2025” (помеѓу општините Крива Паланка, Босилеград и Ќустендил), на место викано Краиште-Голешко поле, атар на село Голеш, вчера (12.07) беше реализирана заедничка превентивна активност на тема „Заштита од пожари“ од страна на полициски службеници од РЦГР Север и РЦГР Исток, како и претставници од ТППЕ Крива Паланка и од Црвениот Крст – Крива Паланка.

При реализација на превентивната активност покрај непосредните разговори со граѓаните за ризик факторите што можат да предизвикаат пожари, и за нивно превенирање, беа делени и летоци со информативна содржина, изработени во соработка со ЈП „Национални шуми“.