Денеска (14.04.2026) по повод одбележувањето на 34 години од основањето на Царинската управа, се одржа свечен настан на кој беа презентирани досегашните резултати, реализираните активности и идните приоритети на институцијата во насока на зајакнување на системот и борбата против криминалот.
На настанот присуствуваа и претставници на Министерството за внатрешни работи – Заменик министерот за внатрешни работи Астрит Исени и Директорот на Бирото за јавна безбедност Александар Јанев.
Свеченоста беше можност да се истакне значењето на меѓуинституционалната соработка, координацијата и заедничките напори во справувањето со сите облици на криминал, како и во унапредувањето на безбедноста и владеењето на правото.
