Денеска (07.04.2026), Секторот за сообраќајни работи при Министерството за внатрешни работи, учествуваше на настан во организација на "Порше клуб Македонија" заедно со АМСМ на тема „Drive Smart –
Drive Safe“ – нов стандард за безбедно групно возење.
Станува збор за едукативен настан кој поставува нови стандарди за безбедност и култура во сообраќајот при организирани автомобилски настани и правила на возење во група.
Настанот претставува значаен чекор кон подигнување на стандардите за организација
и реализација на автомобилски настани во земјата, особено во ситуации каде повеќе
возила учествуваат во организирано движење низ градски услови, но и услови на возење на автопат.
Во рамките на програмата, учесниците имаа можност да се запознаат со:
▪ основни и напредни правила за движење во колона,
▪ комуникација и координација помеѓу возачите,
▪ безбедносни протоколи при групно и парадно возење,
▪ препораки од институции и експерти за намалување на ризиците во сообраќајот.
Министерството за внатрешни работи,
дополнително ја нагласува важноста на институционалната поддршка во едукацијата и
подигнувањето на јавната свест за безбедноста на патиштата.
