Превентивни активности на СВР Велес, СВР Скопје, СВР Штип, СВР Струмица и СВР Битола за безбеден сообраќај и заштита од семејно насилство, измами и врсничко насилство

Денеска (28.11.2025) во Велес, полициски службеници од Отсекот за превенција при СВР Велес реализираа превентивна активност на тема „Има помош за живот без насилство“. Преку непосредна комуникација, граѓаните на Велес беа информирани за појавите на семејно насилство, како и за правата и мерките за заштита при постоење на некои од облиците на семејно насилство. Во рамки на активноста, беше поделен и печатен едукативен материјал со информативна содржина за заштита од семејно насилство.
На територија на СВР Штип пак, во Пехчево, полициски службеници од Полициската станица Пехчево  во ООУ „Ванчо Китанов ” реализираа предавање на темата „Да ги заштитиме децата во сообраќајот”. Притоа, децата преку наменски подготвено предавање беа запознаени со основните сообраќајни правила и прописи, односно како да се однесуваат кога се учесници во сообраќајот, и како пешаци, но особено и кога возат велосипеди и тротинети. Во Берово, полициски службеници од ПС Берово  во Домот за деца со посебни потреби Берово одржаа едукативни предавања на темите „Булинг“ и „Меѓуврсничко насилство”. Основната цел на едукативните предавања беше информирање на учениците како да се детектираат, односно препознаат ваквите девијантни појави и да се подигне свеста во насока на благовремена превенција и заштита.
И на територија на СВР Скопје, поточно на подрачје на ПО Мирковци, ПС ОН Ѓорче Петров , ПС ОН Драчево и  ПО Петровец се одржаа едукативни работилници со ученици од клубовите за превенција  на темите: „Човекови права -детски права и превенција од насилство“, со цел подобрување на безбедноста на учениците во образовно -воспитните установи, како и градење на доверба меѓу учениците и полицијата и развивање на меѓусебна соработка.
Полициски службеници од ОВР Македонски Брод при СВР Битола пак, со Здружението на пензионери на подрачјето на Македонски Брод, спроведоа  превентивна активност „Внимавај, телефонски измами“, со цел да се информираат повозрасните граѓани за опасностите од телефонските измами, како истите да ги препознаат и да не дозволат да бидат жртви, а секој сомнителен случај да го пријават во полиција. Во рамки на активноста беше поделен печатен едукативен материјал.

Вчера пак, на подрачјето на СВР Струмица, полициски службеници од Отсекот за превенција при СВР Струмица спроведоа две едукативни предавање со учениците од прво до петто одделение во Подрачното општинско училишта „Гоце Делчев“ во село Дрвош, струмичко, а на тема „Безбедност во сообраќајот“. Од страна на полициските службеници преку презентација и едукативни материјали учениците беа запознаени со основните сообраќајни поими, сообраќајни знаци, правила и прописи. Акцент беше даден на практично едуцирање како малите пешаци правилно да се движат и да преминуваат улица, а и за тоа како треба да се движат во сообраќајот како возачи на велосипеди или тротинети. Поделен беше и едукативен материјал обезбеден од РСБСП.