Полицискиот хеликоптер исфрли повеќе од 20 тони вода врз пожар кај с.Богомила
Денеска од раните утрински часови хеликоптерот Агуста Бел 212 на МВР беше ангажиран за превоз на припадници од против пожарната единица на тешко достапни места на линијата на пожарот кај село Стровија, прилепско. Воедно и вршеше дотур на вода на пожарникарите во неколку наврати.
Во попладневните часови истиот беше вклучен во гасењето на пожарот кај село Богомила каде во повеќе налети исфрли преку 20 тони вода.