Во текот на изминатото деноноќие, на различни локации во државата, полициски службеници лишија од слобода осум возачи поради сторено кривично дело „безобѕирно управување возило“ по член 297-а од Кривичниот законик.
Од нив, шест управувале возило без положен возачки испит и тоа: Ш.Ј.(57) и К.Б.(18) од Скопје, М.А.(30) од Тетово, И.Х.(26) од с.Уланци, општина Градско, Н.Д.(19) од Прилеп и В.С.(22) од с.Заполжани, прилепско. Додека, со активна забрана, возило управувале А.Ј.(29) од Битола и Ш.С.(38) од Кичево. По целосно документирање на случаите, ќе бидат поднесени соодветни кривични пријави.
Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.