Лишен од слобода маж од скопско, превезувал стока без документација

На 31.07.2025 околу 17:30 часот, полициски службеници од СВР Скопје – Полициско одделение Мирковци го лишија од слобода В.Р.(33) од с.Танушевци, скопско. При вршење на мотопатролна дејност, во с.Кучевиште, скопско, полициските службеници запреле товарно возило „цитроен" со скопски регистарски таблички, управувано од В.Р. и при преглед на возилото констатирано е дека во него превезувал стока за која не поседувал никаква документација. Известен бил јавен обвинител и по целосно документирање на случајот, против него ќе биде поднесена соодветна пријава.