Денеска (13.11.2025) во ДСУ РЦСОО „Коле Неделковски“ во Велес, беше изведена симулациска вежба за брза евакуација и однесување во кризни ситуации, односно симулација на пожар. Полициски службеници од СВР Велес, во соработка со Територијалната противпожарна единица Велес, ОО на Црвен крст Велес, Дирекцијата за заштита и спасување и екипа на Итната медицинска помош Велес, заедно со учениците и персоналот од училиштето спроведоа вежба на тема „Начин на однесување во кризни ситуации“.
На вежбата беа презентирани мерките за заштита и спасување и начинот на постапување на службите на терен при евентуално настанат пожар. Целта е учениците да се запознаат со начините и протоколите за однесување во кризни ситуации, односно начинот на евакуација и брза интервенција при пожар, совладување на паниката и безбедно и организирано евакуирање во претпоставена ситуација.
