Денеска (12.08.2026) заменик министерот за внатрешни работи Астрит Исени присуствуваше на панел-дискусијата „Иднината на Охридскиот рамковен договор и градењето на одржлив мир“, одржана во Клубот на пратеници во Скопје.
Панел-дискусијата се одржа во рамките на одбележувањето на 25-годишнината од Охридскиот рамковен договор, а беа опфатени теми поврзани со европската интеграција, одржливиот мир, децентрализацијата, локалниот развој и општествената кохезија.
На настанот учествуваа претставници на институциите и други релевантни чинители, кои разменија ставови за иднината на Охридскиот договор и неговото значење за демократскиот развој на земјата.
