Во текот на изминатото деноноќие, полициски службеници на повеќе локации низ државата лишија од слобода шест лица кај кои била пронајдена дрога.
Денеска (07.06.2026) во 00:15 часот, на улица „107“ во Тетово, полициски службеници ги лишија од слобода А.Ц. (19) и И.А. (50), двајцата од Тетово, кои откако ги виделе полициските службеници, на улицата фрлиле кеса со бела прашкаста материја. Тие се задржани во полициска станица и по документирање на случајот против нив ќе биде поднесена соодветна пријава.
Денеска (07.06.2026) во 01:00 часот во Штип полициски службеници од СВР Штип го лишија од слобода Б.А.(23) од Куманово затоа што кај него е пронајдена и одземена марихуана. По целосно документирање на случајот против него ќе следува соодветен поднесок.
На 06.06.2026 во 20:20 часот во Штип полициски службеници од СВР Штип го лишија од слобода Ф.К.(28) од Скопје затоа што кај него е пронајдена и одземена марихуана. По целосно документирање на случајот против него ќе следува соодветен поднесок.
На 06/07.06.2026 во Скопје, на различни локации полициски службеници од СВР Скопје ги лишија од слобода М.Ц.(21) и 17-годишен малолетник двајцата од Скопје, затоа што кај нив е пронајдена и одземена прашкаста материја. По целосно документирање на случаите против нив ќе следуваат соодветни поднесоци.