По повод 8 Септември - Денот на независноста, Регионалниот центар за гранични работи Запад зеде активно учество во организацијата и подршката на 35. традиционално искачување на највисокиот планински врв Кораб, кој е на визина од 2.764 метри и кој се наоѓа на подрачјето на Полициската станица за граничен хадзор и повремени гранични проверки - Стрезимир.
Настанот беше организиран од Федерацијата на планинари на Македонија и неколку планинарски клубови од подрачјето. Преземените активности во врска со настанот, односно професионалниот пристап на полициските службеници беа наградени со благодарница од Федерацијата на планинари и другите организатори. Тоа е дополнителен поттик за Регионалниот центар за гранични работи Запад при Бирото за јавна безбедност во Министерството за внатрешни работи да продолжи и понатаму посветено и на највисоко професионално ниво да работи за реализација на зададените задачи.
