Одделението за превенција при СВР Скопје денеска (10.06.2025) спроведе превентивни активности од областа на имотните деликти на подрачјето на ПС ОН Аеродром (во непосредна близина на Меѓуградска автобуска станица и Железничка станица). Притоа, полициски службеници во непосредна комуникација со граѓаните укажуваа на потребата од внимателност и одговорност кога се работи за кражбите од возила.
Под мотото „Не оставајте вредни предмети во вашиот автомобил“ со единствена цел заштита на материјалното добро и имотот како и превенирање на ризиците од имотни деликти тешки кражби и кражби од возила полициските службеници делеа низа совети и практични искуства за заштита од овој вид имотни деликти. При реализирање на активноста на граѓаните им беше поделен и едукативен материјал со испишани пораки а како најважно беше акцентирана благовремената комуникација и соработка со полицијата во насока на спречување на овој вид криминални активности.
