На 26.12.2015 во 10:00 часот во Штип, полициски службеници од Отсекот за недозволена трговија со дрога и оружје при СВР Штип го лишија од слобода В.Ј.(47) од Штип. При претрес во неговиот дом, извршен со судска наредба, пронајдени се и одземени две ќеси со марихуана, ќеса со бела грутчеста материја, 25 таблети, дигитална вага и пари. Додека, во ранецот на неговата малолетна ќерка во детска градинка, пронајдено и одземено е пакување со бела грутчеста материја.
Лицето е задржано во полициска станица и во координација со јавен обвинител против него е поднесена содветна пријава, а од судија на предходна постапка одредена му е мерка притвор во траење од 30 дена.