Утре (среда, 07.05.2025) во 09.30 часот во Центарот за обука на МВР во Идризово (на спортското игралиште) ќе се одржи централната прослава за одбележување на Денот на македонската полиција 7-ми Мај. На настанот свои обраќања ќе имаат претседателот на Владата Христијан Мицкоски, министерот за внатрешни работи Панче Тошковски и директорот на Бирото за јавна безбедност при МВР Александар Јанев. На одбележувањето на Денот на македонската полиција ќе присуствуваат и министри и други гости и претставници на дипломатскиот кор во Македонија. Во рамките на прославата предвидени се изложба и презентација на опрема на различни полициски единици.
Ги покануваме заинтересираните медиуми кои сакаат да го проследат настанот, да пристигнат на местото на настанот до 09.00 часот.