На 17.06.2026 во 13:30 часот во СВР Скопје 39-годишна жена пријави дека на 16.06.2026 на подрачјето на Шуто Оризари била физички нападната од нејзиниот партнер Е.Б.. Се преземаат мерки за расчистување на случајот.
На 17.06.2026 во 20:30 часот во Тетово, полициски службеници од СВР Тетово го лишија од слобода Ш.Е.(59) од Тетово, постапувајќи по претходна пријава од неговата 50-годишна сопруга дека по кратка расправија во семејниот дом се обидел физички да ја нападне. Тој е задржан во полициска станица и при извршена проверка, било констатирано дека е под дејство на алкохол, односно дека има 2,03 промили алкохол во крвта.
На 18.06.2026 во 06:50 часот на ул.„Ѓорѓи Сугарев” во Прилеп, полициски службеници од ОВР Прилеп го лишија од слобода Љ.С.(58) од Прилеп, постапувајќи по претходна пријава од неговата 58-годишна сопруга дека вербално ја малтретирал и навредувал. На 18.06.2026 во 08:40 часот, полициски службеници од СВР Куманово го лишиле од слобода М.Ѓ.(24) од Куманово постапувајќи по претходна пријава деак психички и физички ја малтретирал неговата поранешна партнерка.
На 17.06.2026 во 23:15 часот во Велес, полициски службеници од СВР Велес го лишија од слобода С.Ц.(50) од Велес, постапувајќи по претходна пријава дека во домот агресивно се однесувал и се заканувал на неговата 54-годишна сопруга. Тој бил приведен во полициска станица и известен бил јавен обвинител.
На 17.06.2026 во 20:35 часот во Кавадарци, полициски службеници од ОВР Кавадарци го лишија од слобода С.С.(31) од Кавадарци, постапувајќи по претходна пријава дека во двор од семејниот домот физички ја нападнал неговата 53-годишна мајка. Тој бил приведен во полициска станица.
Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.