Лишено лице од дебарско село поради предизвикување пожар, следува пријава

На 05.10.2026 во 18:18 часот, полициски службеници од ОВР Дебар го лишија од слобода М.К.(77) од дебарското село Кривци. Тој се сомничи дека при чистење на неговата нива во атарот на селото, запалил поголема количина сува трева, по што пожарот се проширил и зафатил поголема површина на отворен простор. Повредени лица нема, а интервенирала Територијалната противпожарна единица од Дебар.

По целосно документирање на настанот, против него ќе биде поднесена соодветна пријава.