На 19.09.2025 во 23:14 часот на магистралниот пат Куманово- Крива Паланка, полициски службеници од Полициската станица за безбедност на патниот сообраќај при СВР Куманово го лишија од слобода М.Т.(43) од Куманово.
При контрола на патниот сообраќај во Куманово, полициските службеници сопреле патничко моторно возило „форд", кое го управувал М.Т. и по преземени мерки е констатирано дека е под дејство на алкохол, односно му биле измерени 2,70 промили алкохол во крвта.
На 20.09.2025 во 03:10 часот на ул. „Пиринска“ во Штип од страна на полициски службеници од СВР Штип е лишен од слобода Н.А. (41) од Штип. При контрола на патниот сообраќај во Штип, полициските службеници сопреле патничко моторно возило „ауди" со штипски регистарски ознаки, кое го управувал Н.А. и по преземени мерки е констатирано дека е под дејство на алкохол, односно му биле измерени 1,51 промили алкохол во крвта.
На 19.09.2025 во 21:30 часот, на магистрален пат во близина на кичевската населба „Горица“, лишен од слобода е П.Д.(57) од Кичево. При контрола во патниот сообраќај, полициските службеници од ОВР Кичево сопреле патничко моторно возило „опел“ со кичевски регистарски ознаки, кое тој го управувал и при извршено алкотестирање, кај него констатирале 2,90 промили алкохол во крвта.
По целосно документирање на настаните, ќе бидат поднесени пријави по член 297-а од Кривичниот законик - „безобѕирно управување со моторно возило“.