Директорот на Бирото за јавна безбедност при МВР, Алесаксандар Јанев, заедно со припадници од Оддделот за специјални полициски операции положија свежо цвеќе пред спомен-обележјето на Единицата за брзо распоредување, во чест на хероите кои ги дадоа своите животи извршувајќи ја најсветата дожност - да ја бранат татковината и безбедноста на граѓаните.
„Некои дадоа многу, но тие дадоа СÈ! Тие се вечен пример дека слободата и спокојството што денес го живееме имаат своја цена – а таа цена е највозвишената жртва. Нашата должност е да ги чуваме нивните дела, да ја пренесуваме нивната слава и да живееме со почит кон наследството што ни го оставија. Македонија ќе памети, ќе почитува и ќе се гордее со своите херои!“, истакна директорот Јанев.
Оваа активност е дел од активностите кои го одбележуваат денот на единицата и претходи на централниот настан што ќе се одржи вечерва во Кавадарци.
