Денеска (18.02.), Одделението за превенција при СВР Скопје во општинското основно училиште „Димо Хаџи Димов“ на подрачјето на Полициската станица од општа надлежност Карпош, реализираше четири едукативно - превентивни активноси со учениците од ова училиште.
Посветувајќи го фокусот на темата - „Правилата и прописите во сообраќајот за малите пешаци“ полициските службеници пред учениците од второ одделение ги презентираа основните сообраќајни правила и прописи важни за децата односно нивната безбедност во сообраќајот. Покрај ова децата беа запознаени и со улогата и задачите на полициските службеници, а сето тоа во контекст на целите за подобрувањето на севкупната и лична безбедност на учениците во образовно – воспитните установи, за градење квалитетна сообраќајна култура но и градење доверба меѓу учениците и полицијата во насока на развивање на меѓусебната соработка. На учениците им беа поделени и едукативни печатени материјали изработени во соработка со РСБСП.