Денеска (08.01.2025) полициски службеници од Полициската станица за безбедност на патниот сообраќај при СВР Струмица во соработка со РСБСП спроведоа превентивни активности на подрачје на Струмица под мотото „Вози одговорно - патувај безбедно“.
Во непосреден разговор со возачите и преку делење на едукативен материјал, изработен во соработка со РСБСП, од страна на полициските службеници беше укажувано за потребата од доследно почитување на сите сообраќајни правила и прописи. Активноста е спроведена со цел подигање на свеста, пред се кај возачите, за нивната улога во безбедното одвивање на сообраќајот, а со тоа и за нивна лична безбедност.