Во текот на изминатата недела полициски службеници од Отсекот за превенција при СВР Куманово во соработка со општинските власти од општина Старо Нагоричане, како и со претставници од Советот на општината Старо Нагоричане и од Општински совет за детско престапништво, во Основното општинско училиште „Христијан Тодоровски Карпош“ во село Драгоманце, реализираа активности - спортски игри - под мото: „Со спорт против насилство“, како и едукативна работилница на тема како да се спречи врсничкото насилство.
Исто така, полициски службеници од ОВР Крива Паланка во основните општински училишта „Јоаким Крчовски“ и „Илинден“ во Крива Паланка одржаа едукативна работилница за ученици од петто до осмо одделение од областа на сообраќајната безбедност. На работилницата на учениците им беа презентирани законските обврски околу почитувањето на сообраќајните правила и прописи, а во интерес на нивната лична безбедност и безбедноста на другите учесници во сообраќајот.