На 28.07.2024, полициски службеници од Отсекот за превенција при СВР Тетово, во содејство со полициски службеници од Полициското одделение за безбедност на патниот сообраќај Гостивар, на магистралниот пар Гостивар – Кичево спроведоа превентивна активност во рамки на кампањата „Вози внимателно и одговорно“, под мотото „Не користи мобилен телефон додека возиш“.
Кампањата е спроведена во организација на РСБСП, МВР и Факултетот за безбедност Скопје, а нејзината цел е подигнување на свесноста кај возачите дека користењето на мобилен телефон додека се управува моторно возило го одвлекува вниманието и ја намалува концентрацијата на возачот, а со тоа го зголемува ризикот за сообраќајни незгоди. За таа цел на учесниците во сообраќајот кои управуваа моторни возила им беа делени летоци со едукативна содржина.