Денеска (12.04.) Одделението за превенција при СВР Скопје во соработка со Републичкиот совет за безбедност на сообраќајот на патиштата спроведе превентивно едукативна активност под мотото „И јас и ти сите сме пешаци“, наменета за пешаците.
Едукативно превентивната активност се спроведе на подрачјето на општината Центар односно на улицата „11-ти Октомври“ кај Порта Македонија. Основна цел на проектот беше зголемување на сообраќајната култура кај граѓаните во насока на почитување на сообраќајните правила, како и зајакнување на довербата и соработката помеѓу полицијата и граѓаните. Исто така, на граѓаните им се делеше и едукативен материјал односно летоци изработени во соработка со РСБСП.