Денеска (31.01.) полициски службеници од Отсекот за превенција при СВР Куманово на повеќе локации во централно градско подрачје во Куманово, реализираа превентивна активност во рамки на кампања – „Биди подготвен за безбедно патување во зима“.

Целта на превентивната активност беше да се потсетат возачите, како непосредни учесници во сообраќајот, за задолжителната обврска за поседување на зимска опрема, како и околу потребата од прилагодување движењето согласно зимските услови на патиштата, а во насока на безбедно движење и пристигнување на посакуваната дестинација. На возачите-учесници во сообраќајот им беа делени и летоци со корисни информации околу законските прописи и сообраќајните правила изработени во соработка со РСБСП.