Во рамки на континуираната превентивна кампања што се реализира под мотото „Кажи не на дрогата, да на животот“ денеска (20.11.2023) на подрачје на Битола полициски службеници од Отсекот за превенција, како и од Отсекот за компјутерски криминал при СВР Битола и криминалистичката полиција на СВР Битола реализираа превентивно-едукативна активност посветена на основците.

Притоа, во основното училиште „Кирил и Методиј“ во Битола беше спроведена едукативна работилница при што учениците беа запознаени со законските реперкусии, но и последиците кои произлегуваат од користење и трговија со дрога.

Исто така, покрај ова инспектори од компјутерски криминал при СВР Битола на децата им укажуваа за ризиците што произлегуваат преку користењето на социјалните мрежи како и нивно навремено препознавање и превенирање.

Инаку, денеска и полициски службеници од Ресен реализираа превентивна активности при што ги посетуваа колективните домови за живеење и градското подрачје на Ресен и разговараа со граѓаните за заштита од кражби, измами и разбојништва.