Денеска полициски службеници од Одделението за превенција при СВР Скопје, заедно со полициски службеници од Полициската станица од општа надлежност Драчево на подрачјето на општина Студеничани, поточно во селата Студеничани и Батинци реализираа превентивни активности во рамки на кампањата „Слави со срце, не со оружје“.

Притоа, во непосредна комуникација со жителите на овие места полициските службеници преку практични примери говореа и укажуваа за опасностите и законските последици од користењето на оружјето и пиротехничките средства при одржување на прослави, веселби и други настани. Граѓаните беа детално информирани за законските одредби што го регулираат незаконското употребување на оружјето и пиротехниката, регулирани со Законот за прекршоци против јавниот ред и мир како и во Кривичниот закон на РСМ.