Полициски службеници од Одделението за превенција при СВР Скопје заедно со полициски службеници од Полициската станица од општа надлежност Гази Баба денеска (11.04.) во средното скопско училиште “Панче Арсовски“ реализираа две едукативно-превентивни работилници за учениците од ова средно училиште на тема – “говор на омраза“.
На работилниците, како дел од годишната програма за превенција при СВР Скопје, полициските службеници ги запознаа средношколците со значењето на поимот - говор на омраза, за последиците што може да се продуцираат од оваа девијантна појава, а најмногу време се посвети на препознавањето и начините за превенција на говорот од омраза особено во училишните средини.