Полициски службеници од Отсекот за превенција при Секторот за внатрешни работи Струмица во текот на вчерашниот ден (22.02.) спроведоа превентивна активност со учениците од шесто до деветто одделение во основното општинско училиште “Кирил и Методи“ во село Дабиле, струмичко.

Во рамки на едукативната работилница, преку наменски подготвена видео презентација на тема – “Превенција и заштита од врсничко насилство“ учениците беа запознаени со проблематиката на врсничкото насилство почнувајќи од причините, формите, па се до штетните последици што оваа девијантна појава ги носи. Исто така на работилницата посебно внимание се посвети за начините на препознавање и спречување на врсничко насилство, и во тој контекст за важноста од комуникација со родителите, наставниците и полицијата.