Денеска (02.11.) полициски службеници од Отсек за превенција при ОВР Кавадарци во соработка со Општинскиот совет за безбедност на сообраќајот на патиштата-Кавадарци во основното општинско училиште “Димката Ангелов Габерот“ во Кавадарци реализираа едукативно предавање од областа на сообраќајот, а под мотото “Безбедност на децата во сообраќајот“.

Притоа на ученици oд вторите одделенија полициските службеници им ги презентираа основните правила и прописи од сообраќајот, а важни за децата како учесници во сообраќајот, почнувајќи од улогата на семафорите и пешачките премини, движењето по тротоарите, возењето велосипеди, тротинети и слично, а сето тоа со цел да се запознаат децата - преку почитување на сообраќајните прописи – да внимаваат на својата безбедност во сообраќајот. Исто така, на крајот од работилницата на децата им беа подделени едукативни печатени материјали прилагодени на нивната возраст, со сообраќајни поуки и пораки за нивна безбедност и сигурност.