Денеска, полициски службеници од Одделението за внатрешни работи Ресен при СВР Битола одржаа едукативни работилници во две ресенски основни училишта “Славејко Арсов“ и “Мите Богоевски“.
Притоа, на првачињата од двете училишта преку едукативна презентација им беа посочени основните сообраќајни правила и прописи особено важни за децата – пешаци како учесници во сообраќајот. Првачињата беа запознати со улогата и функцијата на семафорот, на пешачкиот премин, како и на сообраќајниот полицаец кој го контролира сообраќајот. Покрај ова на децата им беше укажано за важноста од почитување на сообраќајните прописи заради нивна безбедност и сигурност, како и за правилното движење по тротоарите.