Во текот на вчерашниот ден (30.08.) полициски службеници од ОВР Македонски Брод при Секторот за внатрешни работи Битоал, во рамки на оперативниот план на МВР – “Безбедно лето 2022“ одржаа средба со претставниците и жителите од месните заедници во селата Драговдол, Грешница и Слатина.

Средбата беше посветена на превенцијата и заштитата од пожари, при што полициските службеници, тргнувајќи од практичните и стручни искуства во превенцијата од пожари ги информираа жителите на овие места за причините, опасностите, последиците, но и заштитата од пожарите. Особено беше нагласено вниманието од пожари во шумските појаси и на отворен простор, а на граѓаните им беа поделени и печатени информативни материјали.