Денеска (08.04.) на повеќе пунктови на подрачјето на ОВР Виница, од страна на полициски службеници од ПС од ОН Виница беше реализирана превентивна кампања од областа на безбедноста во сообраќајот, а под мотото- „Стави појас“.
Притоа, преку непосредна комуникација со учесниците во сообраќајот, полициските службеници ја потенцираа важноста од почитување на сообраќајните правила и прописи, потоа важноста на безбедносните норми како што е користењето на сигурносните појаси и за возачите и за сопатниците. Воедно, на граѓаните им беа делени едукативни летоци изработени во соработка со РСБСП.